EDF pic de consommation : c'est pas fini
(A redazzioni d'Alta Frequenza) - Hè stasera, trà 7 ori à 9 ori chì a Corsica cunnosciarà un novu sciffru storicu di cunsumazioni d'elettricità. 518 megawatts, 518 millioni di watts, vali à dì a forza di 130 lucumutiva di putenza mezana, eccu ciò chì sarà pruduttu è presu nant'à a reta elettrica corsa duranti issa stonda, trapassendu di fattu largamenti a punta di 500 megawatts di dicembri di u 2010. À l'uccasioni di una cunfarenza di stampa data oghji (luni) da EDF, a cullettività tarrituriali di Corsica è l'ADEME, l'arnesi di pruduzzioni di l'isula hè statu asaminatu è, bona nutizia, tuttu hè ind'un statu parfettu da passà issi mumenti di grandi freti è di cunsumazioni impurtanti. I 230 000 clienti di Corsica sarani dunqua alimentati stasera, com'è pà i ghjorni chì venii parchì chì a capacità tutali di pruduzzioni in Corsica hè di 717 megawatts, cù l'impurtazioni da cabuli dinò. Ci hè dunqua da chì fà largamenti, eppuru l'uparatori industriali è i rispunsevuli pulitichi ani vulsutu lampà una chjama impurtanti à i cunsumatori. Jacques-Thierry Monti hà vulsutu rassicurà l'upinioni nant'à a bona qualità attuali di u parcu di pruduzzioni, rammintendu à volta a necessità di fà gesti ch'è no pudariami qualificà di citadini.
Écoutons le directeur régional d'EDF Corse.
Sur le même sujet
