EDF : l'usine de Castirla coupée mercredi soir par la CGT EDF
Photo Via Stella
Via un cumunicatu, a CGT di l’energia di Corsica « rivindichighja u black out di l’usina di Castirla.
A taddatura in l’usina di Castirla si hè fatta à ora piena. Più di 30 megawatt sò stati livati à a reti.
Iss’azzioni si scrivi in a stratigia di lutta contru à u prughjettu di riformi lli ritirati di u guvernu macron/borne. I impiigati di u sittori elettricu è di quiddu di u gasu t’ani un rigimu di ritirati spicificu, chì rimpatta a pinibilità di i mistiera, u piriculu elettricu, ma ancu è supr’à tuttu l’impegnu è a dispunibilità à u sirviziu di l’usuaghji,
Iss’impiigati sò à spissu di guardia è travaddani à ori sfalsati, da pudè assicurà un sirviziu publicu di l’energia di qualità : prova si n’hè, u so impegnu mentri a timpesta Larisa », dici u sindicatu.
« A cadenza è a durezza di l’azzioni sò u risultatu di u disprezzu llu guvernu pà i travaddadori di l’energia, masimu chì u so rigimu spiciali ùn li costa nudda à i cuntribuenti : hè in binifiziu è sulidariu di u rigimu ginirali, rimittindu li ugni annu dicini di milioni d’auri », spieca a CGT.
Sur le même sujet
