Echouement du Costa Concordia : le préfet maritime de la Méditerranée prépositionne des moyens de lutte contre la pollution en Corse
(A redazzioni d'Alta Frequenza) - Dopu à l'intarrugazioni di l'eletti corsi è frà altru di u presidenti di l'Uffiziu di l'Ambiu (veda altrò), u Prifettu maritimu di u Mediterraniu preciseghja ind'un cumunicatu seguità cù a più grandi attinzioni l'evuluzioni di a situazioni dopu à u naufragiu di u Costa Concordia. Par avà, nisuna pulluzioni liata à iss'avenimentu hè stata censata. L'uparazioni di riguarata di i prudutti piriculosi di u battellu duvariani principià da quì à pocu è pudariani durà parechji settimani. Inde issu cuntestu, u Prifettu maritimu di u Mediterraniu hà ghjudicatu utuli, pà privenzioni, di mubilizà mezi di lotta contr'à a pulluzioni vicinu à i lochi. Sarani traspurtati via un battellu di a marina naziunali didicata à a lotta contr'à i pulluzioni, u Bastimentu "Jason". Iss'ultimu hè partutu da u so portu di basa di Tulò oghji (marcuri). Hè aspittatu in Bastia à partasi di dumani duva ellu scaricarà una parti di u so matiriali.
Sur le même sujet
