E Strade di l'Avvene, nouveau salon pour aider les élèves corses de terminale à trouver leur voie
Da quì à vennari in Corti, ani da passà più di 2 800 liceani pà a prima edizioni di E Strade di L’Avvene, un salonu urganizatu da a Cullittività, l’Università è l’Accademia di Corsica.
Culandi, i liceani s’ani da pudè infurmà di i CFA, di i scoli infirmieri, è di tanti i furmazioni universitarii : tuttu ciò ch’iddu porghji Parcoursup hà da essa riprisintatu.
Da chì pudè rifletta capunanzi à i so scelti.
Libarà l’elevi di u so pinseri, fà li veda ch’iddu si pò stà à studià in Corsica senza sacrificà i so ambizioni, eccu ciò ch’idda voli fà a Cullittività di Corsica.
Steti à senta à Antonia Luciani, a cunsiglieri esecutiva in carica di a furmazioni è di l’aducazioni.
L’Università, da parti soia, hà da pudè metta in risaltu l’integralità di i so furmazioni, ch’iddu si tratti di quiddi integrali, o di quiddi chì permettini di metta si à u provu innanzi di piddà a dicisioni di lacà si a Corsica.
Intantu ch’iddi ghjunghini a siconda è a terza annata di midicina, chì sò i nuvità à vena à l’Università ?
Steti à senta u prisidenti Dumenicu Federici.
