Dysfonctionnements de l'opérateur Orange : la Corse a aussi été touchée par la panne ce mardi
Marti, sò stati uni beddi pochi i disturbi pà i clienti di Orange : ùn pudiani nè passà nè riceva chjami, ùn a li faciani à pidda a reti in 4G, è t’aviani u parchì à mandà i SMS.
Sò stati parichji i parsoni à lagnà si via i reti suciali, circhendu calchì spiicazioni.
Fatta fini, ùn era stata sola a Corsica à pata si issi disturbi : in parichji loca di francia, l’uparatori hè statu toccu da una panna bedda greva.
Marti in sirintina, Orange hà fattu sapè chì, gramazia à u travaddu di i squadri mubilizati da rimetta li in anda, tutti i sirvizia erani turrati uparaziunali.
Ma pà l’ori à vena, si teni quantunca una surviglianza di a reti, hà pricisatu
l’uparatori, chì prisenta i so scusi pà iss’incomudu.
