Du nouveau pour la formation !
(A redazzioni d'Alta Frequenza) - 500 000 impieghi in più ! Eccu u titulu di una cunvenzioni signata trà u Statu è i cullittività lucali pà batta à prò di u ritornu à l'impiegu, grazia à a furmazioni, in cuerenza cù i bisogni di l'intrapresi è di i tarritorii. In Corsica, ss'uparazioni t'hà un scopu di 3 326 impieghi, vali à dì un sforzu di più di 1150 intrati in furmazioni in più. U Cumitatu Paritariu Interprufiziunali Regiunali pà l'Impiegu è a Furmazioni Prufiziunali, dittu COPAREF Corsica, hà cuntrattualizatu cù u Statu è a Cullittività di Corsica un pianu pà fà crescia u numaru di parsoni in cerca di un impiegu à entra in furmazioni. U costu pà u Statu è a Cullittività di Corsica sarà d'1 millioni è 800 000 auri.
Steti à senta à Christophe Mirmand, chì hà signatu ssu vennari dopu meziornu pà u Statu ssa cunvenzioni cù a Cullittività di Corsica è u COPAREF.
Sur le même sujet
