Le Direct

DSP maritime : le personnel de l'Office des Transports vent debout contre le STC de la Méridionale

U parsunali di l’OTC teni à sbuciardà i critichi fatti da u STC, par ciò chì tocca à i cundizioni di missa in opara lli cunvinzioni lla DSP attribuiti da l’Assemblea di Corsica à a cumpagnia Corsica Linea, pà u sirviziu lli porti d’Aiacciu, Bastia è Lisula.

Cù issi parolli, u sindicatu metti in causa u travaddu è l’unestità di l’agenti di l’Uffiziu lli Trasporti, chì t’ani ugni ghjornu a primura di a missa in opara llu sirviziu publicu, è di u rispettu da u diligatariu di i so ublicazioni cuntrattuali.

Iss’accusazioni, chì sò un’uffesa à l’impiicati in carica d’issu cartulari, dicini dinò a gnuranza ch’iddu t’hà u sindicatu di i dispusizioni llu cuntrattu. Issi dispusizioni permettini à i cumpagnii diligatarii d’aprudà altri navi, par casu ch’idd’ùn sichini dispunivuli l’arnesi navali didicati à una ligna. U scopu issendu di mantena a cuntinuità di u sirviziu marittimu in l’isula, in i middor’cundizioni pussibuli.

È ghjust’à puntu hè ciò ch’iddu si vidi oghji, parvia di u pinseri tecnicu impurtanti ch’idd’hà avutu u « Vizzavona », un pinseri chì si faci senta in ugni ligna splutata da a Corsica Linea.

Si ramenta d’altrondi chì, ùn ci hè tantu, a Miridiunali hà binifiziatu di a stessa pussibilità, è si n’hè ghjuvata, in u quadru d’arresti tecnichi privisti o di panni à nantu à i so navi.

In cunsiquenza, u parsunali di l’Uffiziu ùn pò accittà issi minacci, è si teni a pussibilità di chjamà ni à a ghjustizia, è di ghjuvà si à ugni mumentu llu so drittu di ritiru, par casu ch’iddi cuntinivessini issi maneri di fà.