DSP maritime 2007-2013 : la Collectivité de Corse condamnée à verser 86 millions d'euros à la Corsica Ferries par la Cour administrative d'Appel de Marseille
Photo Corsica Ferries
Eccu calchì nuvità in a liti trà a Corsica Ferries è a Cullittività di Corsica.
In l’affari lla DSP marittima 2007-2013, a Corti Amministrativa d’appellu hà cundannatu luni a Cullittività di Corsica à pagà 86 miliona à a Corisca Ferries.
In un cumunicatu, dici a cumpagnia chì « mentri setti anni, 35 miliona sò stati dati ugni annu à i diligatarii pà u trasportu lli passaghjeri.
Dopu à parichji stundi ghjuridichi, è arrimbendu si à un raportu di spirtizia chì cheri una crescita di l’indennità, u rapurtadori publicu hà datu u so favori à un’indennisazioni di 90 miliona.
U 22 di frivaghju, a Corti Amministrativa d’Appellu di Marseglia hà cundannatu a Cullittività di Corsica à pagà 86 miliona d’auri à a Corsica Ferries, da rimpattà u prighjudiziu ».
Pierre Mattei, u prisidenti lla cumpagnia dici chì « iss’indennisazioni ùn hè fatta à smarru. Hè stata calculata da unu spertu mandatu da a Corti, mentri un dibattitu cuntradittoriu, è ugnunu ci hà pussutu dì u so parè.
A Cullittività duvaria avè dumandatu, ch’hè dighjà un pezzu, à i cumpagnii delegatarii di rimbursà li i so aiuti beddi generosi. Cusì, t’avaria à veru di chì rimpattà u prighjudiziu lla Corsica Ferries, senza viutà i stacchi lli famiddi corsi ».