Droits de la défense, fichage : les inquiétudes du bâtonnier de Bastia face à certaines dérives
Ùn avendu parlatu mentri a riintruta sullenna di vennari, Jean-Paul Eon, u capiavucatu di Bastia, hà fattu sapè à a stampa, in principiu di sittimana, ch’iddu era impinsiritu.
In prima, parvia di a manera di renda a ghjustizia in tempa di cunfinamentu : ancu s’idd’ùn hè successa in Corsica, ci sò stati i prucessi fatti à u telefunu, o ancu senza ch’idda ci sichi a parsona missa in causa, nè mancu u so avucatu.
Si hè ancu vistu l’allungamentu autumaticu di certi ditinzioni pruvisorii, o quiddu llu tempu trà i dumandi fatti à i ghjudici lli libartà è i so risposti.
Altru pinseri, à senta ni u capiavucatu : u sicretu lli discursati trà l’avucatu è u so clienti hè bambiu bè.
Infini, è di manera più parsunali, à Jean-Paul Eon li dispiaci à veru issu dicretu llu 2 di dicembri, chì allarga è bè i pussibilità di a incartiddera.
Stemu à senta à Jean-Paul Eon.
