Drame de la mer dans le Valinco
(A redazzioni d'Alta Frequenza) - Novu accidenti in mari ind'u golfu di u Valincu arimani (vennari), à u nivellu di l'isula di i monachi. I succorsi sò stati chjamati à meziornu è mezu pà un circadori prufiziunali di curallu in periculu. Mentri ch'ellu nutava cù dui altri prufiziunali di u curallu, ss'ultimi inchieti di ùn veda più l'omu ricullà, ani fattu i primi ricerchi chjamendu i succorsi à tempu. Dopu à 45 minuti à pocu pressu, sò riisciuti à ricullà a vittima à gallu. Ss'ultima era tandu in arrestu cardiuvintilatoriu. I parsunali di a SNSM ani presu in carica u ciuttadori, è ani missu in ballu un prucidimentu di ranimazioni, cù u SAMU 2A. Par disgrazia, l'omu di 60 anni ùn hè micca statu salvatu, è a so morti hè stata custatata. I servizii di a gendarmerian sò andati anch'elli sopralocu pà fà i primi custatazioni è pruvà à sapè ni di più nant'à i causi di ssu dramu di u mari.
Sur le même sujet
