Drame de Furiani : pas de nouveau pour l'instant
(A redazzioni d'Alta Frequenza) - U ministru di i sports è u presidenti di a Lega di Ballò Prufessiunali si sò intrattinuti oghji (marti) nant'à parechji sughjetti intornu à a disciplina raprisintata da Frédéric Thiriez. Frà quissi quì, l'impurtanti cartulari cunsacratu à i 20 anni di a catastrofa di Furiani. I discussioni erani inghjiru à l'uppurtunità d'urganizà scontri prufessiunali issu ghjornu quì. I dui omi ani ammintatu a quistioni, ma nisunu elementu di risposta hè spuntatu. Pari chì David Douillet è Frédéric Thiriez riservani i so cumenti pà i parlementarii corsi, ch'elli scuntrarani da quì à pocu. Dumandatu da Sauveur Gandolfi-Scheit, iss'intrattenu, privistu nurmalementi dumani (marcuri) hè statu ripurtatu ad un'antra data, forsa da quì à a settimana chì veni. Rammintemi chì, a petizioni chì circuleghja, da dumandà chì più nisunu scontru si ghjuchessi una sera di 5 di maghju, hà dighjà raccoltu più di 30 000 firmaturi.
