Dominique Bucchini satisfait par les propos de Marylise Lebranchu
(A redazzioni d'Alta Frequenza) - "Allons y Alonzo!" Eccu u mughju di u cori lampatu da Dominique Bucchini dopu à a ghjunta a sittimana scorsa di Marylise Lebranchu davanti à l'Assemblea di Corsica. Era faciuli d'induvinà ciò chì saria u cuntinutu, u filu di u discorsu di a ministra di a dicintralisazioni davanti a raprisintazioni pulitica a più alta di l'isula. Marylise Lebranchu, cù un certu talentu di persuasioni, ùn hè micca ghjunta pà cuntradiscia i parolli di i ministri di l'Internu, prisenti è passati, ma in tutti i casi hà vulsutu arragnà appena l'affari di manera seria. Arrimbendu si malgradu tuttu à u dogmu di una Republica unica è impussibuli à divida, a ministra hà dittu chì parechji cosi firmavani pussibuli in un cuntestu "evuluziunistu" di u statutu di a Corsica. Par asempiu, si pudaria in u quadru di a nova legi annant'à a dicintralisazioni, prisintata d'auturnu, inseriscia amendamenti annant'à a Corsica; si pudaria dinò, in u quadru di a legi di finanzi 2015 prisintà quì dinò amendamenti annant'à a fiscalità chì ùn sariani micca tocchi da u Cunsighju custituziunali. Una visioni di i cosi chì cunveni di manera parfetta à u presidenti di l'Assemblea di Corsica è chì l'hà fattu dì "Allons Y Alonzo".
Steti à senta à Dominique Bucchini.
Sur le même sujet
