Dix réfugiés syriens ont débarqué dans la nuit dans le port de Porto-Vecchio
Deci rifughjati siriani sò ghjunti in Corsica sta notti. Sò sbarcati in Portivechju versu a mezanotti, erani à nantu à un picculu battellu à vela.
Sei d’issi parsoni sò donni, è una di quissi hè incinta di setti mesa. Ci sò dinò dui omini è dui ziteddi minori.
Sò ghjunti subitu à nantu à u portu di cumerciu Jean-Christophe Angelini, u merri lla cumuna, u suttiprifettu di Sartè, i ciandarmi, i spinghjifoca è u SAMU.
U prutucollu sanitariu hè statu missu in anda pà a ghjunta d’issi parsoni.
Sbarcati da a so navi, sò stati presi in carica da l’auturità. Sò stati allughjati in un albergu lla cità, ind’iddu li si hè datu di chì manghjà.
Sur le même sujet
