Dix-neuf terrains de l'ancien domaine Casabianca attribués à de jeunes agriculteurs par la SAFER
È fà è fà, pari ch’idda sbucchi infini, l’affari di l’anzianu duminiu di Casabianca, à ribaldonu dipoi a so liquidazioni ghjudiziaria llu 2016.
Dopu ad avè compru una parti impurtanti d’issi tarrena, a SAFER, arrimbendu si à a CdC, avia lampatu una chjama à candidaturi.
Cusì, 19 lotta sò stati attribuiti, chì currini par 265 ettari di tarri agriculi.
Un’uparazioni di primura pà a CdC, chì hà par scopu d’aiutà ghjovani agricultori – stallati chì sò menu di cinqui anni, o pronti à stallà si – à attaccà a so carriera.
Moltu più ch’idd’ùn li tuccarà à pagà issi tarrena pà i cinqui anni à vena.
Steti à senta à Gilles Simeoni, u prisidenti di l’Esecutivu.
Par ciò chì tocca à a SAFER, si parla di suddisfazzioni à veru, masimu chì i prughjetta agriculi sò varii. 30 % di a stesa sò cunsacrati à a viticultura, ma sò stati ancu ritinuti altri scelti, com’è l’allevu di vacchi lattaghji o ancu di catalorzi.
Steti à senta à Christian Orsucci, u prisidenti lla SAFER.
Sur le même sujet
