Discussions avec Paris : En face de nous, nous n'avons pas beaucoup de répondant dixit Gérald Darmanin
Da una sponda à l’altra di u Tarraniu, pari ch’idd’ùn si capischini i stessi parolli, par parlà di un stessu affari.
U fattu si stà chì quiddi chì u ministru francesu di l’internu hà lintatu à nantu à france Info ùn sò po’ i stessi chè quiddi ch’iddu dissi in Aiacciu.
In Corsica, l’omu hà parlatu di paci, di pagina à vodda è di « morti chì ci fighjolani ».
In a so intarvista à a radiu francesa, u cuntinutu hè statu tuttu altru.
« Sapemu tutti chì u cunsigliu esecutivu corsu hè naziunalistu è hè in brama d’un’autunumia larga pà a Corsica. Hè un pezzu chì no’ li dimu chì no’ vulemu travaddà, dopu avè intesu u votu di l’alittori corsi. Par disgrazia, custatemu chì malgradu l’aparturi fatti com’è mai da un guvernu - com’è par indettu quand’e’ aghju parlatu d’autunumia, micca parchì n’aghju a brama, ma parchì no’ dimu ch’iddu si ni pò discorra – ci rindimu contu chì in fronti à no’, ùn ci hè tantu risposti. Ci hè sempri calchì bedda raghjoni par ùn avanzà tantu in i discussioni serii ch’iddu ci tocca à avè à nantu à u drittu, l’ecunumia, u suciali, a cultura, à nantu à chì razza d’autunumia si voli », dici u ministru.
Cuntinuvighja dindu : « pensu ch’iddu ci voli à capì oramai chì a mani, l’ani quiddi chì volini una evuluzioni stituziunali pà l’isula in a ripublica (…) A ripublica pò stà à senta parichji affari. Hè in ugni casu ciò ch’iddu brama u prisidenti lla ripublica. Ma tandu po’ ci vurria chì l’aienti, da quidd’altra parti, si mettini à a tola par parlà ni di manera seria. Ùn bastani purghentuli è scritturi à nantu à i muri ».
Steti à senta un pezzu di a intarvista di gérald darmanin à nantu à france Info
Sur le même sujet
