Deux cas positifs de coronavirus COVID-19 détectés en Corse-du-Sud
Dopu à parichji sittimani di calma, pari ch’iddu volti in Pumonti u Covid-19. Dici l’ARS chì dui casi sò stati signalati ad oghji.
A prima parsona pusitiva hè stata uspitalizata in Aiacciu, da pudè fà un bilanciu cumplettu. Issa parsona stà in unu stabilimentu d’alloghju cullittivu. Ma pudaria ancu essa una infizzioni anziana, ed hè par quissa ch’idd’hè stata fatta, ghjovi à sera, una virifica serologica.
A siconda parsona si ni stà sola in casa soia, postu ch’idd’ùn hè niccissaria, vista a so saluta, d’uspitalizà la. Sò stati ricircati i cuntatti d’issi parsoni, è trà quissi, quiddi chì prisentani calchì risicu sò stati scantati.
