Deux ans après l'assassinat d'Yvan Colonna : Où en est l'enquête ?
Sabbatu, ani da fà dui anni ch’iddu ci hè statu l’attaccu murtali contru à Yvan Colonna, in prighjoni cintrali d’Arles.
Dui anni dopu, cù una prucidura pinali è una inchiesta parlamintaria, chì si pò sapè di più par ciò chì tocca à i mutivazioni è à i fatti chì ani purtatu à frank élong abé à cumetta iss’assassiniu ?
L’avucatu di Ghjuvan’Battista, unu di i fiddoli d’Yvan, spieca chì, intesi i varii audizioni è tistimugnanzi arrighjistrati ch’hè pocu, s’alluntana a pussibilità d’un’azzioni umicidiali subitania è à l’impruvisu.
Ci saria ancu a pussibilità chì frank elong abé achi avutu - è pò ancu essa spressu – i so intinzioni uni pochi di ghjorna, à u minimu, innanzi di passà à l’attu.
Pà l’avucatu Emmanuel Mercinier-Pantalacci, l’atti di a prucidura facini veda mancanzi gravi di l’amministrazioni, lascia corra è libartà cuncessi à l’assassinu d’Yvan Colonna chì portani à quistiunà si.
Pà l’avucatu, a priurità oramai hè di salvà i provi, trà i quali l’imagini di a videosurviglianza.
Steti à senta à Emmanuel Mercinier Pantalacci.
