Détenus politiques: le grain de sable?
(A redazzioni d'Alta Frequenza) - Dopu à l’arristazioni numarosi accaduti in Corsica ss’ultimi ghjorni ind’a famighja naziunalista à a dumanda di u ghjudici contr’à u tarrurisimu Gilbert Thiel, u cunsighjeru tarrituriali Corsica Libera Jean Marie Poli hè intarvinutu ssu ghjovi duranti a seenza publica di l’Assemblea di Corsica. Ss’ultimu hà vulsutu dinunzià a pulitica di u Statu francesi inde l’isula è a so « pulitica riprissiva », a sola risposta di Parighji d’appressu à ellu à i rivindicazioni di l’eletti isulani à u nivellu di l’avanzati istituziunali è custituziunali, mentri chì a Corsica campa un mumentu puliticu dicisivu. Pà l’elettu Corsica Libera, u Statu « ghjoca à un ghjocu periculosu cù a vulintà di i corsi di cambià di pulitica ». Jean Marie Poli hà dinò lampatu una chjama à u presidenti di l’Esecutivu Paul Giacobbi da fà chì quissu quì pudissi mandà un missaghju pricisu à a ministra di a Ghjustizia, Christiane Taubira : chì i prighjuneri pulitichi corsi chì sò in fin di cundanna pudissini apprufittà di una libertà cundiziunali, un affari chì li saria oghji ricusatu ogni volta.
Steti à senta u cunsighjeru tarrituriali Corsica Libera.
Sur le même sujet
