Des membres du personnel de la clinique de l’Ospedale menacés par un homme armé et alcoolisé
(A redazzioni d'Alta Frequenza) - Parsunali di u serviziu di l'urghjenzi di a clinica di U Spidali in Purtivechju, minacciati ssu ghjovi da mani da un omu armatu è briacu. Mentri ch'elli curavani una parsona briaca anch'ella, un sicondu omu hà surtitu un'arma, furzatu l'intrata d'una sala è minacciatu cù a so arma ssi listessi parsunali. A direzzioni di u stabilimentu hà vulsutu riagiscia subbitu. Dumanda à a sucità civili è à u mondu puliticu d'alzassi da fà chì atti simuli ùn accadissini mai più. L'uspidali è i clinichi devini accoglia tutti i publichi in una rilazioni di cunfidenza è di vicinanza, è devi firmà cusì. Ma, oghji, i parsunali in carica di i curi sò di più in più cunfruntati à a viulenza d'ogni ghjornu, ciò chì ùn pò essa tularatu, soprattuttu chì a vucazioni di un uspidali ùn hè micca d'essa "bunkerizatu". Renaud Mazin, u direttori di a clinica di U Spidali hà dunqua vulsutu riagiscia è soprattuttu pà arricà un sustegnu forti à i so agenti.
U stemi à senta.
Sur le même sujet
