Des enfants incommodés par un produit anti fourmi dans un car scolaire en Corse-du-Sud
Des enfants incommodés par un produit anti-fourmi dans un car scolaire en Corse-du-Sud
(A redazzioni d'Alta Frequenza) - Bella paura pà una cinquantina di zitelli chì pighjavani u car sculari trà Carghjese è u culleghju di Vicu stamani (ghjovi). In fatti sò stati disturbati è ani risintutu irritazioni quand'elli erani ind'u veiculu. Timendu un'intussicazioni, u guida hà privinutu i spinghjifochi dopu à a so ghjunta in Vicu. Subbitu, un dispusitivu di privenzioni hè statu missu in ballu è prilevamenti sò stati fatti da pruvà à ditarminà ciò chì avaria pussutu inghjinnà una situazioni simuli. Ind'u frattempu, una dicina di zitelli hè stata traspurtata, via elicotteru, nant'à l'uspidali d'Aiacciu. Dopu à calchì cuntrollu, tutti iss'adulescenti ani pussutu parta da u stabilimentu di saluta. L'inchiesta dumandata da l'ARS hà fattu sapè, sicondu u Cunsighju Ghjinirali di Corsica Suttana, chì ella era a diffusioni di un pruduttu contr'à i furmiculi chì hà inghjinnatu issi disturbi quì. Ancu di grazia, l'affari si sò bè compii.
Sur le même sujet
