Dernier bilan après l'effondrement de la toiture d'une paillote à Palombaggia
(A redazzioni d'Alta Frequenza) - Ottu feriti cù trè gravi, eccu u bilanciu difinitivu dopu à a falata di u tettu di una pagliotta annant’à a piaghja di Palumbaghja in Purtivechju ssa dumenica. In fin di dopu meziornu in fatti, hè accadutu ss’accidenti par raghjoni chì sarani cunnisciuti dopu à un’inchiesta rializata da sperti. Subbitu, mezi assai impurtanti di succorsu di Corsica sana sò stati mubilizati : spignifochi, SAMU è trè elicotteri. I feriti i più gravi sò stati purtati à l’uspidali d’Aiacciu pà dui, mentri chì u terzu hè statu trasferitu à quillu di Bastia. Una vittima mandata in Aiacciu era arisera ind’un statu abbastanza gravi. Pà i cinqui altri parsoni, menu tocchi, sò stati purtati à a clinica di U Spidali.
Sur le même sujet
