Dérives mafieuses en Corse : cinq thématiques pour une session extraordinaire de l'Assemblée de Corse

A sissioni strasurdinaria di l’assemblea cunsacrata à a maffia si farà vennari.
« Un mumentu trimendi di dimucrazia » ani dittu i prisidenti di l’esecutivu, di l’assemblea è di i gruppi, prisintendu i mudalità d’urganisazioni d’issa riunioni.

I cullittivi contru à i malavii maffiosi, u CESC, i parlamintarii è l’associ di i merra llu Cismonti è llu Pumonti sò assuciati à issu dibattitu è sarani di a cumissioni pirmanenti.

U statu inveci ùn ci hè vulsutu participà à u dibattitu, cù u neci d’ùn inframetta si in certi inchiesti.

L’hà ditta Gilles Simeoni, issa sissioni, chì ùn hè chè u principiu, s’arremba à cinqui timatichi :

- Etica è pulitichi publichi
- Travaddu à nantu à i sittori ecunomichi i più sposti

- Droghi

- Arnesi è prucidimenti spicifichi

- Scumissi culturali è sucitali.

À tempu vutata a risuluzioni sulenna, sarani avviati altri siquenzi di discussioni, da pudè avanzà à veru issu cartulari di primura pà a sucità corsa, hà dittu u prisidenti di l’esecutivu, chì no’ stemu à senta.

À tutti i gruppi, li sarà duppiatu u tempu di parolla, da ch’iddi si poschini sprima à nantu à issa quistioni di i malavii maffiusini.

Pà Avanzemu, issa sissioni strasurdinaria hè di prima impurtanza, è dà a prova chì l’eletti corsi ùn si ni stani in pusonu à pettu à issu fenomenu.

Sissioni di quissi, ùn ci n’hè ancu statu in francia. Puri ch’idd’achini, parichji tarritoria, i stessi prublema di gran’ criminalità, ùn sò stati chè l’eletti corsi à impignà si pà issa quistioni, hà dittu Julia Tiberi.
Steti la à senta.

Paul-Félix Benedetti si rallegra ancu iddu ch’idda ci sichi issa sissioni, chì u custatu par disgrazia hè pessimu : cintunai d’assassinii in 30 anni, ùn statu ch’ùn faci valè u so puteri rigali contru à a gran’criminalità ma chì manda i naziunalisti in ghjustizia… u prisidenti llu gruppu Cori in Fronti ùn si laca andà à u dulci, parlendu di i tanti guverni francesi.

Eppuri fatalismu ùn ci n’hè : u puliticu devi piddà a suprana, è prupona un altru mudellu di sucità, dici Paul-Félix Benedetti, chì no’ stemu à senta.