Dérive mafieuse : la préfète de Corse dit ne pas avoir attendu le collectif Massimu Susini pour agir
Issu luni, a prifetta lla Corsica hà rispostu, di manera ferma, à u Cullittivu Massimu Susini, chì l’avia scrittu a sittimana passata à u sughjettu lli malavii maffiosi. Dici ch’idd’ùn l’intaressani « issi pulemichi..., masimu quand’idd’ùn ghjovani chè à mascarà l’inazzioni ». Josiane Chevalier dici chì i so sirvizia ùn ani aspittatu d’essa intarpillati da u Cullittivu par agiscia, in u rispettu lla legi, contru à issi malavii ».
Par ciò chì tocca à u racket, à i cumbricculi pussibuli di i marcati publichi, à a spiculazioni , o à i minacci chì tuccariani à certi parsoni, a prifetta invita u Cullittivu à signalà à l’auturità issi fatti, quand’iddi succedini.
Josiane Chevalier dici chì par ciò chì tocca à l’urbanismu in u Pumonti, a prifittura hà fattu, in sei mesa, nuvantanovi ricorsi in ghjustizia.
Infini, a prifetta invita u Cullittivu « à fà li dumandi pricisi, arrimbendu si à elementi chì pirmittariani d’uriintà u travaddu lli sirvizia missi suttu à a so auturità ».
Sur le même sujet
