Derby GFCA-ACA : la réaction d'Alain Orsoni
(A redazzioni d'Alta Frequenza) - U primu attu di u derby aiaccinu 2014-2015 in Liga 2 vintu da l'ACA ! In fatti, i Bianchi è Rossi ani battutu ssu luni à sera u GFCA annant'à u so tarrenu, 2-0. Rialisazioni scritti da Nicolas Fauvergue à a 14ima minuta è da Dennis Oliech à a 34ima. U Gaz hè statu riduttu prestu à deci contr'à ondeci dopu à a sclusioni di Julien François à a 26ima minuta. U sicondu tempu hè statu gistitu di bunissima manera da l'ACA, mentri chì u GFCA ùn hà micca riisciutu à truvà a suluzioni malgradu sforzi numarosi. Cù ssa vittoria, i ghjucadori di Christian Bracconi si ritrovani à paru cù quilli di Thierry Laurey cù 4 punti in trè ghjurnati. Alanu Orsoni, u presidenti di l'AC Aiacciu, era prisenti à u scontru in u stadiu Ange Casanova. Aldilà di u bon risultatu di a so squadra, hè cuntentu di veda l'ambienti di festa chì c'era prima, duranti è dopu à a partita.
Steti à senta u sintimu d'Alanu Orsoni.
Sur le même sujet
