Le Direct

Dépistage du cancer du sein en Corse : des réunions dans le rural pour informer

(A redazzioni d'Alta Frequenza) - Riunioni d'infurmazioni in u rurali contr'à u cancaru di u pettu ! Eccu ciò ch'elli ani dicisu d'urganizà, uniti, u Cumitatu di Corsica Suttana di a Liga contr'à u Cancaru, a CPAM 2A, a MSA, i prufiziunali di saluta è i medichi liberali, l'infirmieri liberali è l'Associu Regiunali Corsica di a Scuparta di i Cancari. Di pettu à i sciffri di a scuparta di u cancaru di u pettu in Corsica, propiu inferiori à a media naziunali, è par asempiu in campagna, tutti ss'urganisazioni ani dicisu d'incalcà annant'à ciò chì raprisenta un veru inghjocu maiò di saluta publica. Metta in avanti l'intaressu di una scuparta u più prestu pussibuli, pà un trattamentu più limitatu è viti salvati, soprattuttu quandu si sà chì u cancaru di u pettu hè a prima causa di morti par via di un cancaru ind'è i donni. A prima riunioni sarà urganizata u ghjovi u 5 di nuvembri in Vicu, sala di a merria da 2 ori à 5 ori. Dà elementi d'infurmazioni, alertà ma dinò rassicurà tutti i parsoni chì ni volini sapè di più, eccu i scopi di ssi scambii.

Steti à senta à Sauveur Merlenghi, u presidenti di u Cumitatu di Corsica Suttana di a Liga contr'à u Cancaru.