Le Direct

Dépistage de différents cancers : la population corse fait-elle preuve d'inconscience ?

(A redazzioni d'Alta Frequenza) - Terza campagna d'infurmazioni à a privenzioni è à a ricerca urganizata di u cancaru di u pettu, di u manfiu è di l'uteru in Corsica Suttana, da u 12 d'aprili fin'è u 14 di ghjunghju. Hè urganizata da u Cumitatu di Corsica Suttana di a Liga contr'à u Cancaru, a CPAM 2A, a MSA, i prufiziunali di saluta è medichi liberali, l'infirmieri liberali è l'Associu Regiunali Corsica di a Ricerca di Cancari. Di pettu à i sciffri di a ricerca di ssi trè cancari in Corsica, assai di sottu di pettu à a media naziunali, è frà altru ind'i campagni, tutti ss'urganisazioni ani dicisu d'incalcà torna nant'à ciò chì raprisenta pà daveru un inghjocu maiò di saluta publica. Si tratta di metta l'accentu nant'à l'intaressu di una scuparta più prestu, pà un trattamentu più limitatu è viti salvi. A prima riunioni sarà urganizata u ghjovi u 12 d'aprili in u Bar des Sports di Cavru, nanzi à Sotta u 19 d'aprili, Purtivechju u 24 di maghju è Auccià u 14 di ghjunghju.

Steti à senta à Sauveur Merlenghi, u presidenti di u Cumitatu di Corsica Suttana di a Liga contr'à u Cancaru.