Le Direct

Départementales : François Orlandi et Sylvie Retali-Andreani remportent le canton du Cap Corse

(A redazzioni d'Alta Frequenza) - Quilli chì s'aspittavani à veda un spittaculu in Capicorsu ùn sò micca stati dillusi. Cù una participazioni à u nivellu assai altu, l'alittori di Capicorsu ani presu cuscenza di l'inghjocu chì trapassava largamenti u cantonu. È in ssu duellu d'anziani amichi divintati nimichi, hè u duettu François Orlandi - Sylvie Retali, sustinutu cù forza da Paul Giacobbi, chì hà battutu u duettu Jacky Padovani - Danièle Vincent. Un'alizzioni chì s'hè ghjucata à pocu, postu chì François Orlandi hà racoltu 59,35% contr'à Jacky Padovani cù 40,65%. François Orlandi chì si prisintarà torna à a presidenza di u cunsighju generali di Corsica Suprana ghjovi, hà annunziatu a so vulintà d'apartura, ancu à i trè eletti naziunalisti, malgradu una maghjurità dipartimintali rinfurzata.