Départementales du Cap-Corse : Jacky Padovani déterminé face à François Orlandi et son soutien exécutif
(A redazzioni d'Alta Frequenza) - « Mi battu contr’à u presidenti di u cunsighju generali è contr’à u presidenti di u cunsighju esecutivu ». L’infrasata hè chjara, ed hè stata ditta da Jacky Padovani, candidatu in u cantonu di Capicorsu pà i dipartimintali di u mesi di marzu. Ci voli à dì chì ssu cantonu hà da essa assai intarissanti da suvità, parchì s’elli ci sò bè quattru duetti, cù a prisenza di Corsica Libera cù un duettu purtatu da Sébastien Quenot, è di u Front de Gauche cù un duettu purtatu da Michel Stefani, hè u duellu annunziatu trà i dui ultimi eletti, Jacky Padovani è u presidenti di u cunsighju generali François Orlandi chì sarà u più aspittatu. L’episodiu di l’alizzioni di u presidenti di u CG supranacciu di ghjinnaghju hà lacatu di più affari cà tracci trà i dui omi, dopu chì Paul Giacobbi, u presidenti di l’esecutivu di Corsica, avissi sceltu à François Orlandi com’è successori di Joseph Castelli duranti una riunioni cù tutti l’eletti radicali di manca. Una scelta chì hà feritu à Jacky Padovani, chì era vici presidenti di u cunsighju generali cismuntincu dipoi deci anni è chì era u successori naturali di Joseph Castelli à parè ancu di Paul Giacobbi eppuru duranti ssa famosa riunioni. Oghji, Jacky Padovani voli purtà, aldilà di tutti i famighji pulitichi, a scelta di una manera di guvernà à u serviziu di a pupulazioni.
U stemi à senta.
Sur le même sujet
