Départementale Bastia-III : le duo Gandolfi - de Gentili vainqueur d'une courte tête
(A redazzioni d'Alta Frequenza) - Ssa dumenica, a dipartimintali di Bastia-III s'hè ghjucata à pocu com'è privista, cù una participazioni di 51,40%. È infini, cù un scartu propiu strettu di 118 voti, hè u duettu di a maghjurità municipali José Gandolfi-Emmanuelle de Gentili chì ci l'hà fatta à tena a suprana cù 1 669 voti è 51,83% contr'à u duettu di a manca adunita Joseph Martelli-Anne Marie Piacentini cù 1 551 voti è 48,16%. Una vittoria impurtanti pà i candidati di a maghjurità municipali chì sò riisciuti à accoglia una parti maiò di a crescita di a participazioni trà i dui ghjiri pà rimpattà u scartu di 345 voti di pettu à u risultatu accumpulatu di i trè duetti di manca à u prima ghjiru.
Steti à senta à José Gandolfi è Emmanuelle de Gentili chì sarani prisenti à partasi di ssu marti in u cunsighju dipartimintali di Corsica Suprana.
Sur le même sujet
