Départementale Bastia-III : duel entre Gandolfi - De Gentili & Martelli - Piacentini au 2e tour
(A redazzioni d'Alta Frequenza) - Indecisu. Eccu l'aghjettivu pà difiniscia u sicondu ghjiru di a dipartimintali parziali in u terzu cantonu di Bastia dopu un prima ghjiru induva s'è i candidati di a municipalità ghjunghjini in testa, a manca, divisa à u 1a ghjiru, racogli di più forzi. In fatti, cù 43,82% di participazioni, vali à dì una piccula calata di pettu à marzu di u 2015, José Gandolfi è Emmanuelle de Gentili sò i primi cù 1061 voti è 37,59% mentri chì u duettu di manca Joseph Martelli è Anne Marie Piacentini ùn hè tantu luntanu cù 743 voti è 26,32%. Ind'è l'eliminati, à u terzu postu, hè u duettu di a maghjurità dipartimintali PRG-MCD Marie Claire Poggi-Jean François Mattei chì cù 558 voti è 19,77% faci un'alizzioni propiu curretta. Dillusioni pà u Front National, cù u duettu Michel Bruschini-Catherine Grimaldi chì rializeghja 355 voti è 12,77% è chì cala propiu di pettu à annu, infini Marina Luciani è Pascal Rossi pà u Partitu Cumunistu facini un risultatu sturicamenti bassu di 105 voti è 3,72%.
Mentri chì l'unioni di a manca, in testa s'ellu si faci u calculu di i risultati di i dui duetti principali, pari bè ingaghjata, José Gandolfi è Emmanuelle de Gentili tenini a spera di vincia dumenica chì veni. I stemi à senta.
Sur le même sujet
