Départ de feu important à Bonifacio
(A redazzioni d'Alta Frequenza) - Hè partutu un focu versu meziornu ssu marti nant'à a cumuna di Bunifaziu, sopra Vintilegna, vicinu à u tarrenu militariu Frasselli, sicondu u Serviziu Dipartimintali d'Incendiu è di Succorsu di Corsica Suttana. U fumu sgaghjatu hè assai maiò. Parechji decini d'ettari sò dighjà stati parcorsi da i fiari. Omi numarosi di i spinghjifochi di u dipartimentu sò mubilizati, mentri chì mezi aerei sò aspittati. Da rimarcà chì a strada tarrituriali 40 hè tagliata à u meziornu di Pianottuli. A circulazioni si faci oramai da a strada dipartimintali 859 (Figari/Purtivechju).
Sur le même sujet
