Démantèlement d'un trafic de chardonnerets à Ajaccio
(A redazzioni d'Alta Frequenza) - Un trafficu di cardellini, un passaru chì hè una spezia prutetta, hè statu sfattu in Aiacciu. A prifittura di Corsica faci sapè chì "u cumpurtamentu di parechji parsoni hà alertatu pocu fà abitanti di un lutissamentu vicinu à Aiacciu". Parechji sò stati arristati dopu, cù cardellini vivi ingabbiati, è cù matiriali chì ghjuvava à chjappà l'acelli. Unu di l'acelli à u minimu hè statu ritrovu mortu. L'autorità cumpetenti ani cunfiscatu i gabbii, a vittura è u matiriali. L'individui sò stati intesi da a pulizza è ci sò stati parquisizioni in casa soia. Lintati, passarani davanti u tribunali di grandi istanza d'Aiacciu da quì à calchì sittimana. Risicani un annu di prighjoni è 15 000 auri d'amenda. L'acelli sempri vivi sò stati riintrudutti ind'u so mezu naturali.
Sur le même sujet
