Délinquance en hausse en Haute-Corse, les violences intra-familiales, les stupéfiants et les délits routiers en priorités
Sò in crescita l’atti di dilinquenza in Cismonti. In u 2022, si n’hè cuntatu 7 200. Erani 6 700 l’annu innanzi.
Da circà à avvià calchì suluzioni, parichji priurità sò stati scelti, trà i quali a privinzioni stradali.
In u 2022, sò stati 326 l’accidenti. Erani 298 l’annu innanzi. Par ciò chì tocca à i morti, si hè passatu da 16 à 18. I ferti sò stati 439, vali à dì 29 di più chè l’annu innanzi.
In u 2022, sò stati più numarosi è ancu rinfurzati i virifichi, è 756 permessi sò stati suspesi, vali à dì 15 % di più chè l’annu innanzi. Si n’hè suspesu 5 % di più parvia di a bienda, è supr’à tuttu 25 % di più parvia di l’usu di droghi.
Ancu puri ch’idda fermi, a vitezza, a causa prima di a murtalità stradali, l’addizzioni venini subitu dopu. In deci anni, a crescita di i dilitti stradali liati à l’usu di droghi hè stata di quiddi.
Steti à senta à Michel Prosic, u prifettu llu Cismonti.
U prucuratori lla ripublica hà vulsutu metta in risaltu a lutta contru à i viulenzi in famidda, mandendu ni sistimaticamenti in tribunali l’autori.
Par ciò chì tocca à i droghi, u canapu è a cuccaina sò prisenti sempri di più.
28 chilò di canapu è 5 di cuccaina sò stati presi in u 2022. Sò tocchi ghjenti d’ugni età è d’ugni catiguria sucioprufiziunali. U pinseri maiori hè a « dimucratisazioni » di a cunsumazioni di cuccaina, ancu in i paesa.
Sò stati mintuvati ancu a dilinquenza incravatata, è i so rilazioni cù u criminu urganizatu, cù chivi dinò una crescita di i presi.
Steti à senta i pricisioni d’Arnaud Viornery.
