Le Direct

Découverte de deux cas de variants sud-africains ou brésiliens en Corse-du-Sud selon l'ARS

In un cumunicatu, dici l’ARS lla Corsica chì, issa duminicata, i risultati di l’analisi di dui prilivamenti ani fattu veda ch’idd’era prisenti in Corsica una varianti llu Covid 19 altra chè brittanica.
Sò avviati asamini più pricisi par sapè s’iddu si tratta chivi lla varianti sutt’africana, o di quidda brisiliana.

I dui parsoni, un coppiu chì stà in Corsica, sariani stati tocchi da u siscu mentri un viaghju in PACA, pricisa l’ARS.

Virificati nigativi trè ghjorna innanzi d’imbarcà, ani dichjaratu i sintumi calchì ghjornu dopu à a so ghjunta in Corsica. Sò stati uspitalizati in u sirviziu COVID llu spidali d’Aiacciu, u so statu issendu stabili.
I parsoni in cuntattu sò stati missi à u scartu.

Cù a circulazioni di varianti cuntaghjosi di più, si ni chjama à a rispunsabilità d’ugnunu, da circà à parà a stesa llu siscu è à sfrancà i soi da a cuntaminazioni.