Déchets : Viggianello réquisitionné par la Préfecture
(A ridazzioni d'Alta Frequenza) - Nimu ùn a s’aspittaia in la crisa llu rumenzulu ! Cù un arrestu prifitturali llu 12 d’austu, a prifittura hà richisiziunatu u situ di Viaghjaneddu sinu à u 1u di marzu llu 2019. Issa richisizioni, l’hà sughjirita l’ottu d’austu in un currieri François Tatti, u prisidenti llu SYVADEC, sapendu chì u 16 d’austu saria tocca a capacità piena llu situ, à 46 000 tonni. À ciò ch’iddu spieca l’arrestu, u SYVADEC avia dumandatu una stesa lli capacità llu centru u 28 di marzu, ma era aghjà troppu tardi par chjuda ni a struzzioni amministrativa toccu u 16 d’austu. A richisizioni aghjusta una carica di 60000 tonni pà i cumuni, cumunità di cumuni è sindicata chì si ghjovani d’issu situ ad oghji.
