Le Direct

Déchets : le préfet de Corse demande un effort à Viggianello, Prunelli di Fium’Orbu et Vico

(A redazzioni d'Alta Frequenza) - Un sforzu ! Eccu ciò ch'ellu dumanda u prifettu di Corsica à i trè centri d'intarru di i rumenzuli di Vighjaneddu, Prunelli di Fium'Orbu è Vicu. U cartulari bullenti di i rumenzuli, si sà, pudaria tuccà un nivellu criticu cù a statina, è u raprisintanti u più altu di u Statu in Corsica hà adunitu d'altrondi pocu fà tutti l'attori cuncirnati da ssa prublematica. I trè centri d'intarru citati t'ani, oghji, autorisazioni amministrativi chì li parmettini d'intarrà torna 54 000 tonni in u 2016, dici Bernard Schmeltz. Ssi capacità chì fermani coprini i bisogni fin'è a fini di u mesi di lugliu o u principiu di u mesi d'aostu di u 2016. À cortissimu andà, pari dunqua indispinsevuli è ubligatoriu sicondu u prifettu di pinsà à una crescita di i capacità amministrativi di ssi centri inde cundizioni tennichi è ambientali chì sighini boni. Da un'antra banda, u merri di Prunelli di Fium'Orbu hà dicisu di lancià una cunsultazioni lucali pà dumandà u so parè à a pupulazioni nant'à u sforzu dumandatu da l'autorità i più alti.

Steti à senta à Bernard Schmeltz, u prifettu di Corsica.