Décès du pape émérite Benoit XVI
Sabbatu u 31 di dicembri, à 9 ori è 34 di mani, à u munasteriu Mater Ecclesiae di u Vaticanu, si hè spintu u Papa emeritu Binadettu XVI, d’età 95 anni.
À parta si da luni matina, u 2 di ghjinnaghju, a so salma sarà sposta in a basilica San’Petru à u Vaticanu, da ch’iddu li si posca renda un ultimu umaghju.
In Corsica, com’è in altrù in u mondu, sò privisti mumenti di prighera.
Munsignori Bustiglio, u vescu d’Aiacciu pà a Corsica, hà presu ancu iddu a parolla :
« Rindimu grazia à Diu pà a so vita, pà u so puntificatu, u so curaghju è a so umiltà.
Prighemu pà u so riposu eternu in bracciu à u Babbu. Dumandu chì i campani di i nosci ghjesii annuncini issu dolu oghji ».