Décès de Monseigneur Thomas, ancien évêque de Corse
Si n’hè mortu Munsignori Jean-Charles Thomas, l’anzianu vescu d’Aiacciu pà a Corsica (4 di frivaghju llu 1974 – 23 di dicembri llu 1986).
Era d’issi parsunalità priziati monda in Corsica.
In u 1980, era falatu in carrughju par discorra, mentri l’evenimenti ditti di « Bastelica è Fesch ».
Hà cuntribuitu à fà surghja u veru d’issa sirata di ghjinnaghju di u 1980 : insurizzioni micca, ma una situazioni ammaistrata bè da militanti naziunalisti chì chì ùn dumandaiani chè à essa intesi.
« Quiddu ghjornu, ùn ci n’hè statu elettu à fà senta a so voci. Ùn hè statu chè u vescu lla Corsica, Munsignori Thomas, à lampà un missaghju d’amori è di paci », dissi Ceccè Buteau mentri u cuncertu di Canta u Populu Corsu à u « Théâtre de la Ville », in parigi.
Munsignori Thomas hà da essa intarratu vennari, u 20 d’uttrovi, in a ghjesia Santa Cruci di Saint-Gilles-Croix-de-Vie, chì quissa era a so vulintà.
U stessu ghjornu, una missa di requiem sarà ditta à ottu ori di sera in Versaglia, da u vescu Munsignori Luc Crépy, in a catidrali San’Lavighju.
Radio Alta Frequenza prisenta i so dulianzi sinceri à a so famidda è à i soi tutti.
Sur le même sujet
