Décès de François-Xavier Salini-Ricci : la famille va déposer plainte
Marcuri in Aiacciu, Stéphane Recchi, l’avucatu lla famidda di François-Xavier Salini Ricci, facia una cunfarenza di stampa.
Dici ch’iddu ci vurrà ch’iddi rendini i conti, i rispunsevuli d’issa tarribuli straghji.
Stéphane Recchi spieca ch’idd’ùn si pò capì ch’idda sichi stata mandata a BRI pà iss’intarvinzioni, chì saria po’ bastata una cunvucazioni llu so clienti, chì ùn era nè ricircatu, nè à a machja. Quissi, sò maneri di fà di « cow boy », pricisa l’avucatu.
Stéphane Recchi si dumanda s’idd’erani chjaramenti idintificati i pulizzeri. Par casu ch’idd’ùn sichi stata cusì, u so clienti, cridindu si minacciatu, avaria chjappu u vechju fucili di caccia llu so missiavu par difenda si.
Pà l’avucatu, ùn si sà ancu di manera sicura sè u so clienti si hè à veru ghjuvatu d’un’arma chì, par avali, a famidda pidda cunniscenza di l’elementi di a inchiesta via a stampa.
Steti à senta à Stéphane Recchi.
