Le Direct

Début des épreuves de spécialité au baccalauréat

photo illustration education.gouv.fr

Marcuri, s’attaccani i provi ditti di spicialità di u baccu.
« Passati i dui anni di a crisa sanitaria, issi provi s’ani da fà pà a prima volta dipoi a riforma llu baccu, l’undici, u dodici è u tredici di maghju.

In Corsica sò 1 999 i candidati à passà li : 1 420 in a via ginirali (20 di quissi prisintendu si da par iddi) è 579 in a via tecnulogica.

A scelta di i spicialità hè quissa : Storia di l’Arti ; Storia è Giugraffia, geopulitica  è scenzi pulitichi ; umanità, littaratura è filusuffia ; lingui, littaraturi è culturi stranieri è righjunali ; Lingui, littaraturi è culturi di l’Antichità ; Matematica ; Numericu è scenzi infurmatichi ; Fisica è chimia ; Scenzi lla vita è lla tarra ; Scenzi di l’ingigneri ; Sinemà è Audiovisivu ; Scenzi ecunomichi è suciali.
Ci vurrani dui ghjorna à passà issi provi.