Début d'une nouvelle campagne de recensement de la population ce jeudi
(A redazzioni d'Alta Frequenza) - Hè ssu ghjovi ch'ellu hà da principià u censu di a pupulazioni 2018. Una campagna annuali, chì hà da durà quattru simani pà i cumuni scelti da l'INSEE di menu di 10 000 abitanti è cinqui simani pà i cità d'Aiacciu, Bastia è Purtivechju. Ùn hè micca una nuvità ma u prucedimentu cresci : ssu censu si faci di più in più nant'à a tela è tutti i parsoni tocchi, aldilà di l'agenti chì facini u censu è chì si prisintarani in ogni casa, si pudarani ghjuvà di ssu vettori quì pà rializà ssu duveri civicu. Un'uparazioni maiò, parchì u contu pricisu di a pupulazioni di qualsiasi cumuna ditarmineghja à maiò parti di u so sviluppu. Dipendi da ssu sciffru u nivellu di a DGF, a dutazioni glubali di funziunamentu, a dutazioni di u Statu a più impurtanti, è l'inghjochi pà i cumuni sò dunqua di gran'primura.
Steti à senta à Aude Genovese Bolleyn, in carica di u sirviziu statistica pà l’INSEE di Corsica.
Sur le même sujet
