Le Direct

De nouvelles interventions des sapeurs-pompiers en Corse

(A ridazzioni d'Alta Frequenza) - Sò sempri è sempri in attività, i spinghjifoca. Luni, l’hè tuccatu à intarvena dui volti in a Restonica. Prima par dà succorsu à una donna di 57 anni, chì si hè ferta à u talorcu, è chì hè stata purtata à u spidali di Corti. Po’ l’elicottaru hè andatu à succora, versu u lavu di Melu, un omu chì s’era fertu in capu. In San’Niculau, un omu di 48 anni si hè fattu lampa da una vittura. Fertu in faccia, hè statu purtatu à u spidali di Bastia. Par ciò chì tocca à i foca, i spinghjifoca a l’ani fatta à parà u focu in Vulpaghjola, indu’iddi sò picciati trè ettari di machja.