Cyril Venouil nouveau Président de l'Association Inseme
Cyril Venouil et Laetitia Cucchi - Photo Inseme
Fatta l’assemblea ghjinirali d’Inseme sabbatu, hè statu elettu Cyril Venouil prisidenti di l’associu, da rimpiazzà a prisidenti è fundatrici, Laetitia Cucchi Genovese.
« Binivulanti impignatu chì sò deci anni, hà scupartu l’associu via una spirienza parsunali chì hà marcatu a so vita.
Pittughjendu si à i difficultà di dispiazzamentu à mutivu midicali, hà trovu via Inseme una risposta cuncreta è umana à una rialità ch’iddu cunniscia dighjà.
Issa situazioni parsunali hè fruttata, cù issu impegnu à longu andà : issendu di a squadra di i binivulanti dipoi u 2016, di u cunsigliu d’amministrazioni dipoi u 2018, po’ di u scagnu dipoi u 2024, si cuntinuvighja oghji u so impegnu da prisidenti di l’associu », spieca Inseme.
Un passu in più pà l’associu, ma in cuntinuvità di i so valori sempri : sulidarità, umanità, è impegnu à prò di i famiddi corsi.
Sur le même sujet
