CRTE de la CAB et de Marana-Golo : le point de vue des deux collectivités
Photo CAB
Marti, u prifettu llu Cismonti hà signatu cù Louis Pozzo di Borgo, u prisidenti lla CAB di Bastia, è cù Jean Dominici, quiddu lla cumunità di i cumuni di Marana è Golu, un CRTE chì tocca i 90 000 abitanti di i dui tarritoria.
Issu Cuntrattu di Rilancia è di Transizioni Eculogica devi aiutà à a missa in anda di prughjetti, com’è quiddi chì toccani à i dispiazzamenta dulci o à u gistimentu lli risorzi energetichi è idrichi.
A CAB vidi chivi una pussibilità di cullaburazioni pà i cartulari impurtanti, ind’iddi sò liati bè i dui cullittività. Ma ùn ci hè arti di veda ci par avali un primu passu versu un Gran’Bastia, bramatu da certi chì sò anni è anni.
Steti à senta à Louis Pozzo di Borgo, u prisidenti lla CAB.
A cumunità di i cumuni di Marana è Golu sparti a stessa cuntintezza. Masimu chì certi di i risorzi, com’è l’acqua, venini in gran’parti da issa cullittività.
Steti à senta à Antoine Filippi, u dirittori ginirali lli sirvizia lla cumunità di i cumuni di Marana è Golu.
