Crise sanitaire et revenu universel : l’Assemblée de Corse prête à formuler son projet
U prisidenti di l’Assemblea di Corsica hè turratu à parlà di u cartulari di u vadagnu universali.
Dipoi u 2017, l’assemblea hà travaddatu cù sperti internaziunali, fiscalisti, ecunumisti, da virificà ch’iddu si posca fà, l’affari.
Un prughjettu beddu avanzatu tecnicamenti era prontu, quand’idda si hè affaccata a crisa llu coronavirus.
A prisidenza di l’assemblea spieca chì parvia d’issa crisa, « i rispunsevuli di parichji paesa ani attaccatu in urgenza u dibattitu di u vadagnu universali, ch’idda sichi in Alimagna, in Ispagna o in Ingliterra ».
In Corsica, postu chì una prima mani hè stata aghjà data à issu prughjettu cù un’unanimità di l’assemblea, ci vurria à prufittà d’iss’avanzu è metta si in anda à u più prestu, hà dittu Jean-Guy Talamoni.
Di chì manera ?
Eccu a risposta llu prisidenti di l’Assemblea di Corsica