Crise des déchets : la communauté de communes de Marana - Golo prend position
Photo : Facebook de la Communauté de Communes de la Marana-Golo
In u cumunicatu, a cumunità lli cumuni Marana-Golu da u so parè, par ciò chì tocca à a crisa lli rumenzuli.
Dici chì « a riapartura di u centru di i Prunelli di u Fium’Orbu ùn porghji aiutu chè à curtu andà, chì ùn s’ani da pudè accodda chivi tutti i rumenzuli lla righjoni ».
« Senza altri pussibilità, l’intercumunalità ani da essa custretti à cuntinuvà, senza pichju, à accuzzà i balli à nantu à u so tarritoriu, ben’ch’iddi ci sichini danni ecunomichi è eculogichi.
A cumunità di cumuni dumanda à l’aienti - puri capindu ch’iddi n’achini una tichja ! - di cuntinivà à fà u sforzu lla trascelta è d’ùn scuraghjì si.
Faci rimarcà chì, incù issi sforzi dighjà, l’accolta di i bioscarti hà francatu i 300 tonni in u 2019, dendu un parcintuali in crescita di 15 %.
L’eletti dicini « ch’idd’hè ora, in Corsica, d’avvià una riflissioni fundiata, par ciò chì tocca à u trattamentu lli rumenzuli, da pudè metta in anda una stratigia adatta à u so sviluppu ». « Nudda ùn si pudarà fà senza cunfidenza trà pupulazioni è puteri publichi. Hè ora à veru di trattà, è senza fà neci, issu pinseri, à curtu è à longu andà.
Quiddi chì sò in carica d’issi cartulari devini piddà i so rispunsabilità, lachendu corra pusiziunamenti è spiculazioni, da pudè metta in anda, in li ghjorna à vena, suluzioni cuncreti è adatti à a rialità ».
