COVID-19 : Un nouveau décès, le taux d'incidence est désormais de 30 en Corse
Eccu i sciffri llu Covid 19, publicati marti da l’ARS.
Par disgrazia, una donna si n’hè morta in Pumonti.
U siscu si hà purtatu 230 parsoni da quand’idda hè cumencia a crisa, è 140 dipoi sittembri.
50 parsoni sò uspitalizati, 39 in Pumonti è 11 in Cismonti.
5 di quissi sò in rianimazioni in Pumonti, è 1 in Cismonti.
28 virifichi sò turrati pusitivi, 6 in Pumonti è 22 in Cismonti.
A pusitività, par setti ghjorna filati, hè à 0,7 % in Pumonti, è à 0,9 % in Cismonti.
A incidenza hè à 25 in Pumonti è à 35 in Cismonti. U Pumonti hè u dipartimentu cù a incidenza a più bassa.
A Corsica, d’altrondi, hè sempri in capifila lli tarritoria i più vaccinati.
135 271 parsoni ani avutu a prima dosa llu vaccinu, vali à dì 39,76% lla pupulazioni, è 48,48% lla pupulazioni maiori. 77 204 parsoni ani avutu aghjà i dui dosi, vali à dì 22,69% lla pupulazioni.
Sur le même sujet
