COVID-19 : Taux d'incidence de 2 010 chez les 15-19 ans en Corse-du-Sud, le préfet annonce de nouvelles mesures
Marcuri in Aiacciu, u prifettu lla Corsica è a dirittrici di l’ARS ani fattu una cunfarenza di stampa, dendu cunfirma d’una ripresa epidemica in Pumonti.
In trè sittimani, a incidenza in Corsica hè passata da 48 par 100 000 abitanti 656.
A Martinica, chì hè u dipartimentu francesu u più toccu, t’hà a so incidenza à 1 000.
Dui sittimani fà, u Pumonti hà francatu a limita. A so incidenza hè oghji à 454 par 100 000 abitanti, è à 2 010 par quiddi trà 15 è 19 anni. Da parà a stesa llu siscu, sò stati annunciati parichji misuri :
- I caffè è i risturanti chjudarani, à u più tardi, à 1 ora di mani. St’affari ùn vali pà i discutecchi.
- In i stabilimenta chì ricevini u publicu, l’evenimenti di più di 50 parsoni (cirimonii, sirati in i campeghji o l’ustarii, battesimi, matrimonia, evenimenti di famidda, fisitivi o spurtivi) finisciarani ancu iddi à 1 ora di mani, è ci vurrà à dichjarà li 3 ghjorna innanzi in prifittura.
- Hè difesa d’accodda più di 10 parsoni in i spazia naturali o à nantu à a via publica, cù a musica amplificata.
- L’evenimenti cumunali (festi di paesa o foca d’artifizia), devini essa auturizati da a prifittura è suttimissi à u cuntrollu sanitariu par ugni participanti. A mascara sarà d’ublicu à parta si da 12 anni. Listessi affari pà i fistivali, prucissioni è cuncerti.
Steti à senta à Pascal Lelarge.
Sur le même sujet
