COVID-19 : retour en détail sur les mesures en Haute-Corse avec le préfet de Haute-Corse
Marcuri, u prifettu llu Cismonti hà fattu u puntu, par ciò chì tocca à u Covid19 in u dipartimentu.
Pà issu 3 d’austu, a incidenza hè à 836 par 100 000 abitanti, vali à dì ch’idda hè 4 volti più alta chè a media naziunali. Dui sittimani fà, era à 357.
A pusitività hè à 7,1 %. U siscu si sparghji monda ind’è i ghjovani : a incidenza par quiddi trà 15 è 19 anni hè à 1887 par 100 000 abitanti, è à 1709 par quiddi trà 20 è 39 anni.
Ind’è quiddi di più di 65 anni, a incidenza hè à 261 par 100 000 abitanti. Dui sittimani fà era à 25.
Ben’chì a incidenza sichi para guasgi à quidda lla Martinica, ùn ci ni sarà caramagnola.
À i caffè, risturanti è stabilimenta di bor’di mari , li tuccarà à chjuda à 1 ora di mani. Listessi affari pà l’animazioni in i campeghji, pà i matrimonia o battesimi, o ancu pà i fistivali. Certi avarani l’ublicu llu cuntrollu sanitariu d’uffiziu. Certi altri, com’è i matrimonia, à parta si da 50 parsoni.
Iss’evenimenta, i cuncerti fora o in tarrazza lli caffè si devini dichjarà 3 ghjorna innanzi in prifittura llu Cismonti.
Ùn si pudarani fà i badda in i paesa, i foca d’artifizia, i cuncursi di bocci, è ugni evenimentu di più di 10 parsoni à nantu à a via publica. Issa limita di 10 parsoni viaghja dinò pà i parchi è i rinaghji, da 9 ori di sera à 6 ori di mani.
Pà i fistivali o scontri di ballonu, a mascara hè d’ublicu, è biendi supr’à locu ùn si ni vendi : ùn si pò venda chè a robba à purtà si in casa.
L’ublicu lla mascara curri sempri pà i cumuni chì l’aviani aghjà, è sicondu i quartieri. A Ghisunaccia è Muriani sò oramai di quissi.
Pà i prucissioni, a mascara hè d’ublicu, è u scartu devi essa di dui metra trà ugni rangu.
Issi misuri viaghjarani à parta si da ghjovi.
Steti à senta à François Ravier.
Sur le même sujet
