COVID-19 : nouvelle flambée en Corse, l'appel à la prudence de l'ARS
Eccu u puntu sittimanali di l’ARS, prisintatu ugni ghjovi, par ciò chì tocca à u COVID 19.
Hè ripresa bè a cuntaminazioni : a sittimana passata, sò stati cuntati 1 418 casi, cù una incidenza chì tocca i 411 casi par 100 000 abitanti. A cuddata, à pettu à a sittimana passata, hè di 40 %. A pusitività, à 20,8 %, hè cuddata di 3,7 punti.
Par disgrazia, una parsona si n’hè morta. In i spidala, crescini l’uspitalisazioni parvia di u COVID. A sittimana passata, ci n’hè statu 25. U tutali di l’uspitalizati tocca l’uttanta, è quattru d’issi parsoni sò in rianimazioni.
L’ARS ni lampa dunqua una chjama : « Di regula ginirali, v’invitemu à tena a mascara, masimu ind’idda ci hè a prubabilità di a infizzioni : i situazioni di gran’vicinanza, i lochi ind’idd’ùn sò tanti rispittati i gesti lla sicurità sanitaria, i locha chjusi è ind’ùn circulighja l’aria, è supr’à tuttu in prisenza di parsoni sinsibuli ».
Sur le même sujet
